Промотер

Миле Кузмановски има нова песна со посебна приказна што се крие зад неа: Кому му ја посвети – „Некому“? (ВИДЕО)

Миле Кузмановски има нова песна со посебна приказна што се крие зад неа: Кому му ја посвети – „Некому“? (ВИДЕО)

Познатиот македонски фолк-пејач Миле Кузмановски ја израдува публиката со нова музичка приказна. Станува збор за песната „Некому“, за која во овие ноемвриски денови беше промовиран и видеозаписот, а зад чие создавање стои и една посебна приказна со лична посвета.

Имено, Кузмановски оваа композиција му ја посветува на семејството на Диме Атанасовски, изразувајќи им благодарност за довербата и укажаната можност токму тој да ја отпее песната. Посветата ѝ дава дополнителна емотивна тежина на „Некому“, која уште со првите тонови носи приказна што заслужува да се слушне.

Музиката и текстот се дело на Диме Атанасовски, кој заедно со Бранко Атанасовски – Attano го потпишува и аранжманот. Песната е снимена во јули годинава во скопското студио „Кларион“, со музичка придружба на оркестарот „Табиет“ од Свети Николе.

Покрај препознатливиот вокал на Кузмановски, во реализацијата учествува и искусна музичка екипа: Методи Вржалски на прим, Атанас Алексов на мандолина, Илија Гушков на бас-прим, Стево Соколовски на контрабас, Диме Атанасовски на виола, како и Здравко Шоповски и Бранко Кафеџиски на гитара.

За визуелната приказна се погрижи Дејан Ѓоргиев од скопското „АРТ Студио“, кој ја реализираше видеопродукцијата во ноември 2026 година.

Така, „Некому“ не е само уште една нова песна во музичкиот каталог на Миле Кузмановски, туку композиција зад која стојат искрена благодарност, посвета и соработка на докажани музички имиња.

Во продолжение, слушнете ја и погледнете ја „Некому“ во изведба на Миле Кузмановски и групата „Ај наздравје“.

To top