На домашната музичка сцена пристигна нова соработка што побуди интерес и привлече внимание уште на прво слушање.
Дуото Дупер и Јанг Дади се фатија во музички клинч од кој се изроди новата песна „Претера“. Музичка тема која носи „измешани љубовни сигнали“, модерна продукција и препознатлива енергија.
„Претера“ е песна која зборува за чувства што стануваат гласни и тогаш кога зборовите се тивки.
Со впечатлив ритам, искрен текст и фајтерска атмосфера, оваа соработка покажува како различни музички сензибилитети можат да создадат едно комплетно и автентично музичко доживување.
Музиката и текстот ги потпишуваат Илчо Нечовски, Давид Даниловски, Борис Какуринов и Андреј Николов. Аранжмански песната ја дотерале Борис Какуринов и Андреј Николов.
Со „Претера“, Дупер и Јанг дади и вдахнуваат дополнителна свежина на домашната поп сцена на имиња од поновата генерација, со уште еднаш потврдуваат дека „новите дечки“ меѓу македонските автори и изведувачи и тоа како знаат да ја погодат публиката и нејзиниот вкус.
Особено онаа помладата која и им е најблиска. Песната веќе си ја потпевнуваат фановите, ја вртат и радиостаниците, па според првите реакции, по „Лидија“, и „Може, може, може“ и „Претера“ има доволно потенцијал да стане една од најслушаните домашни нумери ова лето.
Како звучи и изгледа кога Јанг Дади и Илчо се во клинч рингот, Борис е судијата, а Инес (Поповиќ) „не се дава“, иако првите двајца „даваат се од себе“ да ја освојат, проследете од „боксерското“ видео во продолжение, кое го режирал Трифун Ситниковски…
