Дарио Панковски го почнa јуни летно, весело и духовито со новата песна „Мојата драга“. Автор на музиката е самиот Дарио, а аранжманот е на неговиот долгогодишен музички соработник Кристијан Габровски. Песната ја следи преземена визуелизација, но Дарио наскоро најавува и официјален видеоспот.
„Ова е една типична летна, ведра, весела и духовита песна која може да се пее и на сериозен концерт, но и опуштено, со цело друштво на плажа во присуство на ‘своите драги’. Оваа песна нема некоја специјална приказна, но има порака да уживате во секој момент со онаа или оној што ги сакате и да бидете среќни со нив сега, денес, овој момент и така секој ден. Ставете ја саканата на врвот на пиедесталот“ – вели Дарио за smart.sdk.mk.
„Мојата драга“ е ведар, заразен сингл што ја продолжува линијата на поп песни со кои Панковски се препознава кај домашната публика. Со лесен ритам, духовит текст и певлив рефрен, песната претендира да стане омилен летен хит.
