После долг временски период на македонската музичка сцена со нова песна се враќа атрактивната пејачка од Кавадарци, Софија Манева или на многумина позната како лидерот на женскиот бенд “К4”. Поминаа доста години кога Софија беше активна на домашната сцена. Сигурно многумина од вас се сеќаваат на нејзините песни како што се: “Љубов или нешто друго”, “Лигав тип” и уште неколку други.. Но, после една таква пауза, Софија вчера најпрво на социјалните мрежи ја објави својата нова песна со наслов “Момче Македонче”, за која сними и видеоспот.
Како автори на песната се потпишуваат, односно текстописец е таткото на Софија, Перо Манев, додека пак музиката заеднички ја потпишуваат со Тони Соколов – Цока. Инаку да се вратиме на видеоспотот, тој се снимаше во срцето на турската чаршија во Скопје, а покрај Софија во него се појавуваат уште неколкумина статисти.
“После десет години го рестартирав своето студио и одлучив повторно да создавам своја авторска музика. “Момче Македонче” е првата песна со која сакам да го најавам моето враќање на сцена. Инаку морам да споделам дека наредниов период ќе сме доста посветени на создавање нови песни и се надевам дека она што ке го понудиме ќе биде добро и освежување за македонската поп – музика и дека ќе успее да допре до сите вас на различен начин”.
Инаку како што кажа Софија, таа со својот тим од соработници работи на новите песни, а до тогаш со својот бенд ќе може да ги слушнете и видите на настапите ширум нашата земја, додека пак за дочекот на најлудата ноќ тие ќе настапат во нашиот главен град, односно прво на денска, па потоа на ноќна забава..
Сега погледнете го нејзиниот најнов проект со наслов “Момче Македонче” визуелизиран во видотот во продолжение:
