На 81. издание на Венецискиот филмски фестивал се одржа премиерата на биографскиот филм „Марија“ во режија на чилеанскиот режисер Пабло Ларен.
Улогата на легендарната оперска пејачка Марија Калас режисерот и ја доверил на американската актерка Анџелина Џоли. Очекувано, токму Анџелина беше главната ѕвезда на премиерата, а сите кои имаа можност да присуствуваат на оваа прилика го одземаа здивот кога убавата дива се појави на црвениот тепих.
View this post on Instagram
Таа блесна во креација на дизајнерката Тамара Ралф направена специјално за неа. Одлично и прилегаше обвиениот фустан од шифон во неутрална беж нијанса, а Анџелина го надгради со додаток кој веднаш го потсетува златното доба на Холивуд.
View this post on Instagram
Станува збор за крзно што порано беше незаменлив додаток на црвените килими и го носеа сите диви на стариот Холивуд како Елизабет Тејлор и други. Анџелина не се замара премногу со фризурата и ја пушти косата која неодамна ја осветли, а што се однесува до шминката, се одлучи за црвен кармин во светла нијанса.
фото: printscreen/Instagram
