Водителката на утрински вести на телевизиска програма во Њујорк се породила во раните утрински часови – но помалку од два часа порано таа сè уште ја водеше утринската емисија.
Оливија Џеквит, водителка на утрински вести за WRGB-TV CBS6 во Албани, го водеше информативниот пренос во 6 часот наутро во среда откако ѝ пукнал воденикот околу 4:15 часот наутро. „Имаме некои најнови вести утрово, буквално“, рече нејзината колешка Џулија Дан на почетокот на емисијата. „На Оливија ѝ пукна воденикот“.
Џаквит рече дека тоа бил самиот почеток на породувањето, бидејќи нејзиното породување сè уште било на почеток, решила да ја води целата емисија пред да оди во болница. Во аголот на екранот имало бројач кој покажувал дека поминале два дена од терминот на Оливија.
– Ова е нејзина одлука, знаете – рече нејзината колешка Џулија.
– Подобро би била на работа отколку во болница – заклучи Оливија. Нејзината одлука да ја води емисијата до крајот ги шокираше гледачите, но сè заврши добро.
Водителката објави во февруари дека таа и нејзиниот сопруг го очекуваат своето прво дете, а уредничката на вести Стоун Грисом ја пофали Џаквит по емисијата.
„Не можеме да бидеме посреќни за нив. Од објавувањето на нејзината бременост во живо претходно оваа година, до трчањето полумаратон додека беше бремена, Оливија се снаоѓаше во секој чекор од ова патување со елеганција и решителност. Денес не беше исклучок“, рече таа.
фото:Instagram printscreen/CBS6 Albany
