Сараево вчеравечер, 11 април 2024 беше сведок на драматичен настан кога на легендарниот пејач Дино Мерлин му се слошило среде Башчаршија. Брзата помош брзо реагирала и пристигнала на местото на настанот, каде лекарите му ја пружиле потребната медицинска помош на пејачот пред итно да биде пренесен во болница, пишува Телеграф.
Веста за здравствената состојба на популарниот пејач брзо се прошири на социјалните мрежи, предизвикувајќи загриженост кај обожавателите ширум регионот. Многумина изразија поддршка и желба за брзо закрепнување, а на социјалните мрежи се појавија пораки со поддршка и надеж дека Мерлин наскоро ќе оздрави.
Дино Мерлин е еден од најценетите музичари на просторот на поранешна Југославија, познат по своите емотивни и значајни песни кои одбележаа генерации. Неговата музика има посебно место во срцата на луѓето ширум регионот, а неговите настапи отсекогаш биле дочекани со голем ентузијазам.
Детали за здравствената состојба на Дино Мерлин се уште не се објавени во јавноста. Јавноста со нетрпение ги очекува вестите за неговото здравје и се надеваме дека пејачот наскоро ќе биде на пат кон целосно закрепнување.
Фото: Инстаграм/dinomerlinfanpage/ YouTube принтскри/24 sata
Видео: YouTube/24 sata
