Цеца Ражнатовиќ со својата последна изјава пред новинарите предизвика вистинска лавина од коментари , откако директно ја прокоментира неодамнешната порака на нејзината поранешна колешка од жирито, Марија Шерифовиќ.
Иако по повлекувањето на Марија од популарното музичко натпреварување „Ѕвездите на Гранд“ двете пејачки ретко се среќаваат пред камерите, изјавата на Шерифовиќ дека Цеца ѝ недостига веднаш го привлече вниманието на медиумите, кои решија да проверат каква е реакцијата од другата страна.
На прашањето на новинарите како ја коментира искреноста на Марија и нејзините зборови дека ѝ фали нивното заедничко дружење во студиото, Цеца без двоумење и со својот препознатлив, директен став испрати јасна порака:
„Навистина? Па го има мојот број, може слободно да ми се јави“, порача кратко и јасно Ражнатовиќ пред собраните медиумски екипи, покажувајќи дека вратата за разговор и дружење е секогаш отворена доколку постои желба од другата страна.
Инаку, Цеца оваа изјава ја даде при пристигнувањето на новото снимање на „Ѕвездите на Гранд“, каде што се појави во одлично расположение, насмеана и во лежерна комбинација.
Фото: Intagram printscreen/YouTube/Zvezde Granda/Instagram/zvezdegranda/printscreen
