Уште една сезона на „Ѕвезде Гранда“ се ближи кон крајот, а веќе се шпекулира каде ќе се емитува од следната сезона.
Имено, бидејќи Милица Митровиќ го најави враќањето на музичката емисија „Пинк ѕвезди“, сите се прашуваат што ќе се случи со „Гранд ѕвезди“.
Сопствениците на Гранд се во преговори со Јавниот сервис на Србија, а можноста да останат на Пинк во моментов не е исклучена, според локалните медиуми.
– Тие моментално се во преговори со РТС, постои голема можност Ѕвезда Гранда да се прикажува на Јавниот сервис од септември, но не е исклучена ниту можноста да останат на Пинк. Во моментов, сè е „во воздух“ – изјавил извор за Телеграф.
Се ближи крајот на оваа сезона на музичкото натпреварување „Ѕвезде Гранда“, а финалето ќе се одржи на 28 јуни во 21 часот на Пинк ТВ.
Финалето на „Ѕвезда Гранда“ ќе има новина по смртта на Саша Поповиќ: победникот ќе добие статуа од Саша Поповиќ како ново признание.
– Беше одлучено статуата, која ќе ја однесе победникот во 2025 година, да го носи името на основачот на Гранд – Саша Поповиќ. Еден од овие млади луѓе од Србија или регионот ќе однесе дома статуа со неговото име. Тоа е најмалку што можевме да направиме сега кога работиме без него – рече Воја Недељковиќ.
Победникот на „Ѕвезда Гранда“ во 2025 година ќе освои автомобил, победничка песна и маркетинг покрај статуата.
фото:You tube printscreen/zvezde granda
