Вики Миљковиќ инвестирала повеќе од 200.000 евра во стан во елитен дел од Белград, наменет за натпреварувачите што ги менторира во „Ѕвезде Гранда“.
Според српските медиуми, Вики одлучила да купи имот каде што „нејзините деца“ ќе престојуваат за време на подготовките, бидејќи повеќето од нив доаѓаат од други земји и честопати имале проблеми со наоѓање соодветен сместување.
Станот се наоѓа во непосредна близина на нејзиниот семеен дом, па затоа полесно ѝ е да ги координира пробите и другите обврски со натпреварувачите.
– Таа избрала локација што е во близина на станот каде што живее со своето семејство. Значи, кога треба да се подготвува со кандидатите, не мора да поминува многу време на тоа бидејќи натпреварувачите се во нејзината населба. Станува збор за двособен стан, има околу 70 квадратни метри и во секое време можат да престојуваат најмалку петмина од нив. Со оглед на тоа што нема повеќе од три учесници во една сезона, станот никогаш не е преполн и таму можат да се одржуваат проби – вели соговорникот.
Интересно е и тоа што Вики првично купила стан за својот син Андреј, но одлучила привремено да им го даде на кандидатите. Наместо да го издава под кирија и да заработува пари, таа одлучила да им го олесни престојот на своите учесници во Белград и да им заштеди пари.
– Станот е на добра локација, а Вики го платила помалку од пазарната цена бидејќи соработува со инвеститор, од кого веќе купила станови во таа елитна населба. Покрај дневната соба, кујната и бањата, има и две мали спални соби, тераса со прекрасен поглед, па натпреварувачите навистина ќе уживаат во престојот во Белград – заклучил изворот.
фото:Instagram printscreen/viki_miljkovic
