Американската актерка Шерон Стоун во 2001 година доживеа мозочен удар кој доведе до деветдневно мозочно крварење, поради што мораше да се повлече од актерството.
Нејзината пауза во Холивуд траеше цели седум години, а за тоа време актерката се бореше за живот. Во искрена исповед, ѕвездата од „Ниски страсти“ шокираше со тврдења дека во најтешкиот период од животот луѓето ја искористиле финансиски, а останала без милиони долари.
-Луѓето ме искористија во тоа време. Имав 18 милиони долари заштеда од кариерата, а кога се вратив на мојата банкарска сметка сето тоа го немаше. Немав пари, раскажува американската актерка за The Hollywood Reporter.
66-годишната актерка рече дека наместо да се чувствува огорчена за она што го доживеала по мозочниот удар, решила да се фокусира на позитивните работи.
View this post on Instagram
– Ако каснете горчливо семе, тоа никогаш не ве напушта. Но, ако имаш верба, ќе преживееш. Така, сега живеам од радост и живеам со цел, истакна актерката.
Стоун вели дека мозочниот удар целосно го променил начинот на кој функционира нејзиниот мозок.
– Мојот мозок не беше на истото место во мојата глава како порано. Сè се смени. Мојот мирис, вид, сетило за допир. Не знаев да читам неколку години. Многумина мислеа дека ќе умрам, вели актерката.
Шерон изјавила дека на почетокот лекарите мислеле дека таа „глуми“, а подоцна било утврдено дека актерката имала крварење во мозокот поради пукање на вертебралната артерија.
View this post on Instagram
– Мојот најдобар пријател ги убеди да направат уште еден тест, а потоа открија дека имам крварење во мозокот. Да ме пратеа дома ќе умрев, рекла актерката.
Шерон Стоун вели дека сè уште зема лекови секојдневно, а денес е член на одборот на фондацијата Бароу во САД, која се занимава со лекување на „тешка болест на мозокот“.
фото:Instagram printscreen/ sharonstone
