Први септември, во случајов втори, започнува со тест, емотивен тест, како за децата, така и за родителите, особено оние што имаат прваче. Едни ова го сфакаат и доживуваат не така драматично и емотивно, додека други покрај оправданата возбуда, чувствуваат и бура од емоции засилена со многу прашалници.
Меѓу оние родители кои не така опуштено го поминуваат училишниот почеток на своето маче прваче е пејачката Сара Мејс. Нејзината Илина започна со прво одделение, прв училишен ден и сосема нов предизвик пред неа.
Мама Сара е веќе докажан емотивец, па дури и да пушти некоја солза да се стркала по образот уште откако тоа и се случи кога првпат ги праќаше како бебиња во градинка.
Некој ќе рече дека веќе е искусна, па треба малку полабаво, ама Сара јасно си даде до знаење дека кај неа така едноставно без поголема возбуда, бура од емоции и солзи, денот не поминува.
Прашалниците се нафрлаа еден под друг, но еден и остана како базичен – дали има и други родители кои се чувствуваат како неа?
-Родители, само јас плачам на прваче или не?
Потврдните одговори сигурно ги добиваше во порака, но она најважното кое се гледа и од слика е дека на Илинче и е супер новиот предизвик, насмеана, весела и отворена за нови другарства – токму она што ќе ја „крене“ мама Сара.
фото:Instagram printscreen/sarahmace__
