Познатата македонска ТВ новинарка и водителка, авторка на музичкиот магазин „Стисни плеј“ и „Наш подиум“ се породи и на свет донесе здраво машко чедо. Александра Јовановска вчера, понеделник 10-ти ноември 2025 доби синче, кое ќе го носи името Лука.
Иако бременоста ја криеше до последен момент од јавноста, сега радосната вест ја обзнани и самата на своите профиили на социјалните мрежи Фејсбук и Инстаграм, на кои почнаа да се редат честитките за приновата.
Прва која и јавно и го честиташе доаѓањето на овој свет на малиот Лука, беше нејзината колешка од МТВ, водителкта аи пејачка Јана Бурческа – Бурче.
По неа се редеа и останатите честитки од најблиските, пријателите, колегите…
Среќниот татко и партнер на ТВ водителката со кој таа заедно живее повеќе од 22 години е Ангел Здравковски, кој е исто така во музичкиот еснаф и е познат како ДЈ и музички продуцент.
Како ДЈ тој има и интернационална кариера, патувајќи низ целиот свет каде на познати дестинации има свои настапи со сетови од транс музика под уметничкото име Spirit Architect.
View this post on Instagram
„Заедно пораснавме, се градевме и приватно и професионално. Секоја љубов е приказна за себе. За нашата можам да кажам дека е совршено надополнување, во кое секој има доволно слобода да биде свој и да не се претопи во другиот“ – зборуваше за својата долга врска со саканиот во едно свое интервју Александра Јовановска.
Сега со дфоаѓањето на свет на малиот Лука врската прерасна во вистинско „дуо-трио“ семејство. Нека им е со среќа приновата!
