Неда Украден искрено проговори за своите помлади колешки и начинот на кој тие ја градат својата кариера во денешно време.
Познатата пејачка Неда Украден поточно 17 декември синоќа се појави на настан во главниот град.
Таа во разговор за медиумите откри дека го сака месец декември, токму поради празничната еуфорија.
– Кај мене нема одмор, ако немам концерт тогаш се подготвувам за концертот. Во декември ја украсувам елката и ја украсувам куќата. Декември е месец полн со разни возбудливи активности во куќата, подготовки за Нова Година и Божиќ – изјави Неда, а потоа откри по што ќе ја памети оваа година:
– Оваа година ќе ја паметам како исклучително напорна, фала богу здрави сме, децата се прекрасни, моето семејство е прекрасно. Закажана е и таа Арена. За некој што се занимава со музика 50-ина години, тоа за мене е круна и успех, но и предизвик иако наполнив милион сали и сали. Доаѓаат нови генерации, нови ѕвезди, па убаво е после толку години кога си интересен за луѓето, да те ценат – изјави пејачката.
Неда е една од ретките пејачки која немала ниту еден скандал во кариерата, а сега на членовите на седмата сила им раскажала како успеала во тоа.
– Се трудев да не бидам некој што ќе се конфронтира, навредува, недостоен за таа слава со изборот на песните, мојот став, моето однесување. Ова е многу лизгаво поле на кое многу подлегнуваат, се случуваат разни работи, некои непредвидени околности. Во оваа работа треба постојано да се докажуваш… Се обидов да бидам блиску до луѓето со моите песни и порака, блиску до очекувањата на публиката – рече таа, а потоа се наврати на своите помлади колешки:
– Вие сега подобро знаете од мене како се прави кариера, јас изградив кариера со моите песни и глас и со својот изглед. Нема финти со мене, кога ќе излезам на сцена ќе пеам песни, нема да зборувам, да џагорам, да си ги лепам трепките. Сакам да кажам дека мојот пат во кариерата беше таков, можеби сега има некој повешт, попаметен, поуспешен… Кога ќе слушнам инфлуенсерка, ја прашувам инфлуенсерката за што, што инфлуенсира – рече Неда.
фото: printscreen/instagram
