Џуд Белингем по извонредните игри од стартот на авантурата во Реал Мадрид стана дел од светскиот џет-сет, а последните информации поврзани со англискиот ас велат дека тој во текот на летото имал врска со американската џет сетерка, Ким Кардашијан.
Весникот „Марка“ кој обично е добро упатен за случувањата околу фудбалерите на Реал неодамна објави дека „нешто се случува“ меѓу Белингем и Кардашијан, иако Американката е 23 години постара од играчот на „кралскиот клуб“. Американскиот магазин „Life & Style“ откри и повеќе детали на оваа тема.
„Нема сомнеж дека американската ѕвезда и англикиот фудбалер се познаваат. Белингем пред ЕВРО 2024 беше дел од рекламната кампања за брендот на долгата облека „ Kardashian SKIMS“. Самата Ким исто така често се појавуваше во рекламите за истиот бренд, таа била презадоволна од соработката со Џуд, а се чини дека има и нешто повеќе.
Кардашијан наводно им испраќа на сестрите заеднички фотографии со фудбалерот, а фактот дека Ким пред неколку седмици со приватен авион допатува во Мадрид за да го гледа Реал само додава оган на шпекулациите за нивната врска“, пишуваат американските новинари.
Фото: Инстаграм/realmadrid/kimkardashian
