Македонскиот (т)рапер Христијан Тасковски, познат само како Таско периодов потврди дека плодноста му је посилна страна. И приватно, како човек и професионално како автор.
Имено, неодамна Таско по втор пат се оствари како родител, откако неговата сопруга Наташа Неделковска, попозната како „најтетовираната Македонка“ која јавноста ја знае како Таша Реј, на свет го донесе и нивното второ дете.
Овој пат по едногодишното синче Лукијан, тие добија ќеркичка, а малата принцеза го доби преубавото име Кирјана. Радосната вест тогаш ја обзнанија на Инстаграм, а Таско го откри и името на новородената ќеркичка ткако сподели: „Добредојде Кирјана“ – стоеше во неговата објава, додека во позадина се слушаа звуците на песната „Postao Sam Ćale“.
Триесеттина дена подоцна, Таско има нова причина за радост. Овој пат професионална, по она што му се случи на тукушто завршениот „Макфест 2024“.
До душа, финатата со апсењето што ја пушти во јавноста баш и не му помина, но заедничкиот фестивалски дует со Теа Трајковска вокално вдахнат во нивниот „Сатурн“, сепак добро помин(ув)а кај публиката.
Барем засега… Но, вистинската прилика за двојна радост дојде малку подоцна, токму на годинешниов „Макфест“, ама заслугите се од лани.
Имено, заедничката песна на Таско и младата малена изведена на минатогодишниот „Макфест 2023“, со наслов „Сафир“ беше прогласена за најслушана песна помеѓу два штипски фестивали. Наградата – чекот од 120.000 денари од организаторот, општина Штип замина во нивни раце! Отприлика 2.000 евра, по илјада за секого или како веќе ќе ги делат, или во превод…
Таско периодов има причина за двојна радост: „Два бона“ во евра вреди нивниот „Сафир“, ама затоа Кирјана е – бесценета! Како втор прстен на неговиот семеен „Сатурн“!
Фото: Инстаграм/tasko.ur/tasha_ray_
