Убава е глетката кога татковците ќе ги грабнат своите наследници во рацете и ќе застанат пред објективот со насмевка до уши создавајќи спомен фотографии.
Водителот Марко Новески и Кристијан Станковски – Бомбакис, на своите „приказни “ на социјалната мрежа Инстаграм објавија баш таква позитивна фотографија.
Токму кога помисливме дека познатиот водител и влијателниот инфлуенсер и подкастер, во процесот на реализирање на улогата како тазе родители ќе ги кријат од јавноста приватните моменти со наследниците, тие заеднички го направија сосема спротивното.
„Единственото вистинско богатство во животот е ова“ – искрен беше Бомбакис во описот кој го сподели и Марко.
View this post on Instagram
Имено, Марко кој важи за еден од најнасмеаните водители позираше додека во рацете ги држеше близначиња Веда и Вања, додека Бомбакис, дечкото со картоните , ја зема во прегратка ќеркичката Бисера.
Во позадина наѕира бисерното Охридско езеро додека тие позираат на заедничката фотографија во Охрид.
„Еве сме тука сме“ – кратко додаде Марко .
„Кога малите човечиња ја даваат најголемата радост“, „Многу љубов на една слика“, „Љубовчиња“, „Ве личи во ваква улога“ им пишуваа колегите и пријателите во коментарите кои растеа надополнувајќи ја објавата со многу допаѓања за кратко време.
Иако сигурно им се тешки ноќите со бебиња, веруваме дека тие секогаш се вешти, расположени и истрајна поради големиот љубовен адреналин.
фото: printskrin/instagram/bombakis/marko_noveski
