Македонската пејачка, виолинистка и педагог, која неодамна стана и доктор на науки Андријана Јаневска, доживеа непријатност каква не очекуваше дека токму неа ќе ја снајде.
Имено, нејзиниот идентитет е злоупотребен со користење на монтирана фотографија за лажна реклама.
Андријана откако го забележала тоа на социјалната мрежа Фејзбук, и беше тешко да поверува дека некој тоа го направил со нејзиниот лик, а таа не стои позади тоа.
За да се реагира брзо, пејачката сподели јавно на нејзиниот профил на мрежата и откри дека никогаш ниту дала такво интервју ниту пак рекламирала креми против стареење, иако во описот ги пофали за монтажата сепак не и беше сеедно од она што го виде.
„Ве молам пријавете го профилов, лажен е, не рекламирам никакви креми, ниту сум дала интервју! Инаку, јака им е монтажава со компирот“. напиша Јаневска во објавата.
Следбениците оставија коментири со објаснување како и кој можеби го прави тоа, како и дека комплиментот е во ред но најдобро е да пријави онаму што треба.
Инаку, голем дел од јавните личности досега биле злоупотребени на ваков начин, па не е реткост да ги видиме нивни реакции како оваа во случајов.
фото: print Screen/Instagram/Facebook
