Пејачката Маја Николиќ наскоро ќе стапне на „лудиот камен“ по трет пат. Наводно ќе се мажи во февруари за својот избраник, кој е сопственик на таверна. Познато е дека нивната романса започнала токму на местото каде што пејачката често настапува, а подготовките за свадбата веќе се во тек.
Партнерот на Маја организирал забава за роденденот на неговиот внук, а по тој повод им ја соопштил среќната вест на своите најблиски пријатели.
Извор близок до двојката открива дека тој бил „цел живот ерген“ и никогаш не бил пред олтарот, а дека сега, на 55 години, се решил на овој чекор затоа што „се заљубил во неа “. Засега се чува во тајност дали свадбата ќе биде само општинска или црковна.
– Тој е исклучително добар и забавен човек. Навистина е заљубен во Маја и може да се види дека се прекрасни заедно. Добро се сложуваат. Се познаваат веќе некое време, а таа често пее во неговото кафуле. Тоа е интимно место, со посебна атмосфера, каде што доаѓаат пријатели и луѓе кои сакаат добра музика и пријатно друштво. Дознавме на роденденот на неговиот внук дека се жени – рече извор близок до двојката.
– Цел живот бил ерген, никогаш не бил пред олтар, па сега, на 55 години, решил да го направи тој чекор. Шегата настрана, Маја навистина му одговара како сопруга и затоа решил да се ожени. Ќе видиме дали ќе биде само црковна или општинска церемонија. Сè чуваат во строга тајност, малкумина знаат дека ќе се венчаат во февруари – додал соговорникот.
Денес, идниот сопруг на Маја се занимава исклучиво со приватен бизнис, води мирен живот и е сопственик на угостителски објект.
foto: print screen/Instagram/majanikolic_official
