Почитувани колеги и претставници на медиумите,
Имаме особена чест и задоволство да Ве поканиме на ПРЕСС – конференцијата по повод одржувањето на годинашното издание на „Вевчанскиот карневал 2026“, една од највпечатливите и најстарите културни манифестации во Македонија и регионот.
ПРЕСС конференцијата ќе се одржи на 9-ти јануари 2026 година (петок) , со почеток во 11:00 часот во Ресторан „Пелистер“ – Скопје.
На прес-конференцијата ќе бидат презентирани:
- Деталната програма за деновите на карневалот (12 – 14 јануари 2026).
- Музичките изведувачи кои ќе ги забавуваат посетителите.
- Информации за организацијата, безбедноста и очекуваниот број на гости.
На вашите прашања ќе одговараат претставници од Општина Вевчани и членови на организациониот одбор.
Вевчанскиот карневал е повеќе од настан – тој е спој на пагански обичаи, современа сатира и уникатен македонски непокор. Вашето присуство и известување се од исклучително значење за промоција на ова заштитено нематеријално културно наследство.
Го очекуваме Вашето присуство!
