Фасцинантно, величествено, бравурозно, незаборавно… се епитетите кои и ден денес гласно се зборуваат за концертот на групата „Меморија“, која на 16.11. 2024 приреди вечер за паметење. Не само заради одличната и беспрекорна музичка изведба, туку заради тоа што концертот на „Меморија“ беше многу повеќе од обична рок ен рол забава.
Зашто таа вечер бендот понуди вистинска концептуална мулутимедијална, аудио-визуелна претстава, во која се испреплетуваа фасцинантните видеопроекции на специјално подготвените видеоприказни за секоја од песните, светлоснните бои на рефлекторите и скенерите и она што се случуваше на сцената. Музички, визуелно и драматуршки, дотогаш невиден концепт кој речиси никој и од оние кои доаѓаат однадвор не ни го понудил. Ерупција од емоции и наплив од патриотизам за комплетно уживање во една незаборавна концертна рок ен рол забава за сите генерации, каква што ретко се гледа и се доживува.
Токму овој спектакл ТВ гледачите ќе имаат можност да го гледаат за време на Новогодишните празници ексклузивно како ТВ премиера која ќе биде дел од новогодишната програма на МТВ. Три нумери од концертот како видео парчиња ќе емитува и ТВ Телма во рамките на новогодошниот ТВ избор на оваа телевизија, додека сите останати веќе можат да го проследат на Јутјуб каналот на групата, а истиот можете да го проследите и Вие во видеото во продолжение…
Фото: Маја Јаневска Илиева
