Дарко Димитров очигледно знае како да ужива во летото, но и како одморите да ги направи поинтересни и поадреналински.
Познатиот македонски музички продуцент, композитор и аранжер, кој потекнува од едно од најпознатите музички семејства кај нас и е син на легендарниот Славе Димитров, овие денови ужива во својата омилена летна дестинација – Сивири.
И додека поголемиот дел од годината е под рефлектори на еден поинаков начин – во студио, каде што создава музика и работи на нови проекти – летото за Димитров е резервирано за семејството, морето и малку бегство од секојдневното темпо.
Сивири, на грчкиот полуостров Касандра во Халкидики, веќе со години е негово омилено место за одмор. Таму има и свој апартман, па не е ни чудо што традиционално поминува подолг дел од летото со најблиските.
Но, Димитров покажа дека не му е доволно само да се излежува покрај море.
На најновата фотографија што ја објави на социјалните мрежи, тој ужива во една прилично атрактивна летна активност – возење е-фоил, односно електрична даска која благодарение на подводно крило и електромотор буквално го „крева“ возачот над површината на водата.
„efoil passion“, кратко напиша Димитров покрај фотографијата, со што јасно стави до знаење дека сурфањето на даска со мотор не е само случајна летна занимација, туку и негова нова пасија.
Очигледно, кога човек цела година создава хитови во студио, му треба и малку адреналин за да ги наполни батериите. А Дарко, по сè изгледа, најде прилично интересен начин за тоа – наместо да стои или седи и весла на даска, неговата даска „лета“ над водата!
View this post on Instagram
Фото и видео: Инстаграм/darkodimitrov
