Концертот „Господски“ носи вечер исполнета со елеганција, емоции и врвна музика по која Владо Георгиев е препознатлив низ целиот регион.
Публиката во Скопје ја очекува посебна и емотивна вечер која многумина долго ја посакуваа. По години исчекување, Владо повторно доаѓа пред македонската публика која со години ги носи неговите песни со себе. Во Арената „Јане Сандански“ ќе одекнуваат добро познатите стихови што публиката ќе ги пее заедно со него – од безвременските балади до песните што обележаа генерации.
Македонија отсекогаш имала посебно место во срцето на Владо, а враќањето во Скопје за него претставува повторна средба со публиката која низ годините му остана верна. Токму затоа овој концерт носи посебна емоција – момент на повторна средба меѓу уметникот и публиката која долго чекала неговите песни повторно да ги слушне во живо.
Во време на брза и површна продукција, Георгиев останува верен на автентичноста, музикалноста и емоцијата што ја обележаа неговата кариера.
Фото: А. Станковиќ
