Верица Донев е новата водителка на најгледниот естраден ТВ магазин „Backstage“. Атрактивната убавица однеодамна е главното водителско лице на „магазинот од зад сцената“ пред чија камера минале мноштво познати медиумски фаци, но и апсолутни почетници пред објективот кои подоцна станале познати ТВ лица.
Покрај мноштвото свои фотографи на Инстаграм таа сподели една на која со микрофонот со препознатлива портокалова ѕвезда, во постот го споделила прашањето:„Ќе се дружиме ли?“
И оттогаш таа секој работен ден на фреквенцијата на ТВ Телма се дружи и со ѕвездите од македонската естрада и јавниот живот, како и со бројните ТВ gледачи на најстариот и се’ уште најгледан естраден ТВ магазин „Бекстејџ“ кој ја турка својата 17-та сезона!
Инаку, атрактивната Верица дефинитивно важи за една од најубавите Македонки. Неа јавноста ја познава како модел, а и по улогата на водителка на македонското талент шоу „Пат до ѕвездите“! Сепак основна професија и е работата како маркетинг агент во „Колор медиа плус“ (магазин и портал „Убавина и здравје“).
Како модел учествувала во бројни рекламни и музички видеоспотови, па урбаните градски муабети велат дека токму на снимањето на еден од видеоспотовите каде била ангажирана, паѓаат „првите љубовни искри“ помеѓу неа и режисерот Гордан Божиновски.
Подоцна искрите пламнуваат во љубовен оган, кој откако ќе се разгори, резултира блажена состојба на идната невеста и свадбена веселба.
Како круна на нивната љубов пред речиси една година, во март 2024-та „штркот ќе слета во семејното гнездо“ на Верица и Гордан кои за прв пат ќе се остварат како родители, откако на свет ќе дојде малиот принц, а синчето ќе го добире името Карло.
Иако со здравствени компликации по раѓањето, за среќа, по десет дена минати на интензивна нега во една позната приватна скопска клиника, каде Верица и се породила, малечкиот борец со неговите родители жив и здрав си дојде дома, за сега сите со неизмерна среќа и радост да го очекуваат неговиот прв роденден.
Во меѓувреме, убавата Верица Донев како главна водителка на ТВ магазинот на кој му се поклонува естрадата… Секси мама со микрофонот в рака пред камерата на „Backstage“!
Фото: Инстаграм/vericcadonev
