Ако сте забележале неколку сиви влакна во вашите дваесетти, не сте сами. Но, тоа не значи дека е нормална појава, туку може да укажува на здравствен проблем.
Како што пренесува Мирор, се повеќе млади луѓе стануваат сиви порано од вообичаено. Одредени фактори како стресот и генетиката обично се водечка причина за оваа појава, но има уште една причина зошто седата коса се појавува порано, а тоа е недостатокот на минерали.
Според Журналот за клиничка и естетска дерматологија, сивата коса кај Кавкајците обично започнува во средината на 30-тите години, кај луѓето со азиско потекло во доцните 30-ти и кај луѓето со афро-американско потекло во нивните 40-ти.
Експертите веруваат дека тоа може да биде знак за здравствени проблеми. Медицинскиот експерт Катарина Ор-Еванс објасни како нерамнотежата на минералите може да придонесе за предвремено побелување на косата. Ненадејниот стрес може брзо да го забрза стареењето со „позајмување“ на минерали од косата.
Нутриционистката Кара Шо вели дека членовите на генерацијата Z и милениумците се почесто се среќаваат со овој проблем. Таа додаде дека некои истражувања откриле корелација помеѓу ниското ниво на железо и појавата на седа коса. Но, Шо истакнува дека недостатокот на железо не е единствената причина.
„Важно е да се напомене дека многу студии покажаа дека други нивоа на витамини и минерали се исто така ниски, вклучувајќи ги Б12 и витаминот Д“, рече таа.
Таа додаде дека секој што е загрижен за недостаток на минерали треба да контактира со општ лекар за да се тестира и соодветно да преземе превентивни мерки.
Важно е да се нагласи дека хроничниот стрес може да го „забрза“ процесот бидејќи ги осиромашува матичните клетки на меланоцитите, додека недостатокот на витамин Б12, бакар, железо или цинк го нарушува производството на меланин. На пример, ниските нивоа на витамин Б12, често поврзани со анемија, и недоволното количество бакар, суштински за ензимите кои синтетизираат меланин, може да предизвикаат појава на седа коса.
Извор: Попара
