Алекса Перовиќ вчера стана татко по трет пат, а сега ги сподели првите фотографии и видео од породувањето на неговата сопруга Исидора.
Алекса Перовиќ објави фотографии од породувањето на неговата сопруга Исидора, на кое самиот присуствуваше. Перовиќ и Исидора добија син, кого го крстија Мијат.
Пејачот го овековечи овој посебен момент со фотографии, а своите емоции ги преточи во емотивен текст кој никого не остава рамнодушен.
– Не знам како да го опишам чувството да се биде тука, на изворот на животот… Не знам ни како да го започнам овој пост, па затоа пишувам што ќе ми падне на ум. Емоциите и впечатоците сè уште се сумираат. А она што прво ми паѓа на ум е благодарноста и восхитот кон мојата сопруга. Ти благодарам, љубов моја, што си храбра, присутна и соработуваш со сите прекрасни луѓе од болницата, а за нив ќе зборувам подоцна – напиша Алекса, а потоа додаде:
– Ти благодарам што ја донесе оваа мала, но голема душа на свет и сигурна сум дека ќе бидеш најдобрата мајка на светот! Ти кажав претходната вечер колку сум сигурен во тебе. Ти благодарам за емоциите што никогаш не знаев дека можам да ги доживеам. Сега грижи се сама за него уште малку, бидејќи кога ќе дојде во прегратката на татко му, тоа е тоа! Посебна благодарност му должам на докторот за сè што направи за време на породувањето и пред самото породување – напиша на Инстаграм.
Пејачот конкретно им се обрати на сите мажи и ги советуваше да бидат со својата подобра половина во овој посебен момент.
– И конечно, мажи, искрено би ви препорачал да бидете таму во овој момент. Тоа е буквално уникатно искуство кое дури и покрај моите напори да ви го пренесам, знам дека нема да успеам. И не ги слушајте оние што ви велат дека татковците немаат место тука и дека не треба да го гледаат сето тоа и така натаму. Слушнав премногу такви приказни, а тие доаѓаа исклучиво од жени чии сопрузи не сакаа да бидат таму или од оние кои никогаш не го пробале тоа и само нагаѓаат. Од 20 луѓе, најмалку 18 ми рекоа дека не треба да бидам таму. Но, еве уште еден пример за тоа како мнозинството не мора да биде во право! Бидете таму – нагласи Перовиќ.
фото: printscreen/instgaram
