Актуелноста на домашен терен за финалистот од последната сезона на „Ѕвездите на Гранд“, Мики Секуловски нималку не стивнува.
Мики редовно е баран и ангажиран за настапи во клубови и приватни забави низ земјава, но сега иагледа дека популарниот венешанец реши да си даде пауза и да се посвети на семејството.
Имено, Мики пред околу осум месеци стана чичко, односно доби прво внуче од неговиот брат Влатко кој живее во Белгија.
По толку поминато време и многу обврски со вицешампионската позиција на Гранд, Мики најпосле е заедно со внукот.
Стопени и сплотени, бебе и чичо се предадоа на игра и гушкање, а секако ова вредеше за фотографија за спомен, па и објава на социјалните мрежи.
Мики најчесто е резервиран за објави поврзани со приватноста, но овој пат со гордост и го претстави внукот на јавноста.
За потсетување, Мики пред пријавувањето во „Ѕвездите на Гранд“ заедно со семејството живееше и работеше во Белгија каде и останаа неговите, а тој реши да се врати и да ја воскресне својата музичка кариера, а тоа му успеа можеби и повеќе од очекуваното.
фото:Facebook/ Miki Sekulovski/ Vlatko Sekulovski
