Холивудските ѕвезди Анџелина Џоли (49) и Бред Пит (61) се договорија да се разведат по осум години, со што ставија крај на еден од најдолгите и најспорните разводи во историјата на Холивуд.
„Пред повеќе од осум години, Анџелина поднесе барање за развод од Пит“, рече адвокатот на Анџелина Џоли Џејмс Сајмон во соопштението. „Таа и децата ги оставија сите имоти што ги споделија со г-дин Пит и оттогаш таа се фокусираше на наоѓање мир и исцелување за нивното семејство. Ова е само дел од долгорочниот процес кој започна пред осум години. Да бидам искрен, Анџелина е исцрпена, но чувствува олеснување што овој дел е завршен“, истакна Сајмон.
View this post on Instagram
Сè уште не се поднесени судски документи, а договорот ќе треба да го потпише судија.
Џоли (49) и Пит (61) беа меѓу најистакнатите парови во Холивуд цели 12 години.
Двајцата оскаровци имаат заедно шест деца.
Џоли поднесе барање за развод во 2016 година, по летот од Европа за време на кој Пит наводно ја малтретирал неа и нивните деца. Пит ги негира овие обвинувања, пишува The Guardian.
Во 2019 година судијата ги прогласи за разведени и немажени, но поделбата на имотот и старателството над децата мораше да се реши посебно. Приватен судија, ангажиран од парот да го води случајот, набргу потоа пресуди во корист на еднакво старателство над нивните деца, но Џоли поднесе барање да биде отстранет од случајот поради непријавен судир на интереси. Апелацискиот суд се согласи, судијата беше разрешен и парот мораше да започне од почеток.
Некои детали од договорот беа откриени во посебна тужба поднесена од Пит, во која тој тврдеше дека Џоли го прекршила договорот да му ја продаде нејзината половина од француската винарија што ја поседуваат. Не е познато како спогодбата за развод ќе влијае на таа парница.
View this post on Instagram
фото: printscreen/instagram/lovebscott/justjared
