Исхраната е исклучително важен фактор кога станува збор за здравјето. Таа буквално може да влијае на многу состојби, но и да го подобри имунитетот, да го подигне расположението и да ја намали болката. Затоа, во текот на месечниот циклус, важно е д знаете кои намирници треба да ги консумирате и кога.
Значи, исхраната може значително да влијае на сериозноста и на тоа како се чувствувате во секоја фаза од циклусот – од менструацијата до овулацијата и понатаму.
Природните хормонални флуктуации за време на менструалниот циклус можат да влијаат на различни аспекти на метаболизмот, вклучително и брзината на метаболизмот, чувствителноста на инсулин и регулацијата на апетитот.
Естрогенот и прогестеронот, главните хормони вклучени во циклусот, можат да влијаат на нивото на енергија, искористување на макронутриентите и сигналите за глад.
Менструална фаза
(од 1 до 7 ден)
За време на менструацијата, нивото на хормоните прогестерон и естроген е на најниско ниво. Намалувањето на прогестеронот може да предизвика воспалителни реакции, болка и непријатност.
Во овој период, препорачливо е да јадете антиоксиданти како зелен зеленчук, јаткасти плодови, цели житарки, бобинки и зелен чај, кои можат да ги неутрализираат слободните радикали и да ги намалат менструалните грчеви.
Потоа, антиинфламаторните намирници – ѓумбир, куркума, темно чоколадо и екстра девствено маслиново масло, кои можат да помогнат во намалувањето на сложените јаглехидрати како грав, леќа, цели житарки, праски и јаболка можат да го стабилизираат шеќерот во крвта и да обезбедат долгорочен извор на енергија.
Фоликуларна фаза (од 8 до 13 ден)
Оваа фаза започнува по менструацијата, а телото се подготвува за овулација. Нивото на естроген се зголемува, што може да го подобри расположението и енергијата.
Тогаш треба да јадете јаглехидрати наутро, а здравите масти – кафеав ориз, овес, мешунки, авокадо, лосос и јајца – даваат енергија и помагаат во регулирањето на нивото на инсулин.
Фитоестрогените како сојата, лененото семе, леблебијата и леќата можат да помогнат во балансирањето на нивото на естроген.
Намалувањето на внесот на ултра-обработена храна, алкохол и кофеин ќе ја подобри вашата енергија и квалитетот на сонот.
Фаза на овулација (од 14 до 17 ден)
Нивото на естроген и другите хормони достигнува максимум во оваа фаза, како би предизвикал ослободување на јајцеклетката.
Сега ви се неопходни јаглехидрати кои побавно се апсорбираат, овесот, киноата, јачменот, леќата и гравот, кои ќе помогнат да се стабилизира нивото на инсулин, додека бобинките, темното чоколадо, масната риба и бадемите ќе го намалат воспалението и ќе го подобрат расположението.
Избегнување на преработено месо, газирани сокови и рафинирани шеќери може да ја спречи инсулинската резистенција.
Лутеална фаза (од 17 до 28 ден)
По овулацијата, прогестеронот се зголемува, подготвувајќи го телото за можна бременост. Доколку не дошло до оплодување, нивото на прогестерон се намалува, што може да предизвика симптоми на ПМС.
Лосос, авокадо, брокула, лук и бобинки ќе помогнат во ублажувањето на овие симптоми, како и витаминот Б6, кој го има во изобилство во леблебијата, лососот, темнолиснатиот зеленчук и компирот.
Избегнување на стрес и интензивни вежби може да го поддржи нивото на прогестерон и да ги намали симптомите како главоболки и раздразливост.
извор:точка.ком.мк
фото:Freepik
