Не поминаа ниту 6 месеца од последната негова песна која беше посветена на неговата ќерка, Јордан Митев повторно ја изненади својата публика и слушателите на добрата фолк музика со нова песна и ново видео, овој пат со наслов “Ех што имам брачеди”.
Пејачот и кантавтор кои многумина го нарекуваат вулканот на македонската музичка и хит мејкер во последниот проект во 3 минути и 40 секунди ја претстави речиси целата македонска традиција и култура каде пее за фамилијарните вредности и почитта кон фамилијарното стебло, македонските народни инструменти, традиционалната храна и македонските народни носии од повеќе региони на Македонија.
Песната со наслов “Ех што имам брачеди” официјално беше промовирана за Велигден и со тоа што веќе е неколку дена во етер има одлични реакции од страна на слушателите на фолк музика.
Видеото е снимано во селото Лесново во близина на Лесновскиот манастир и во него се појавуваат десетици статисти кои заедно создаваат една ведра и пријатна за уво и око македонска разгледница.
Оваа година 2025 Јордан Митев заокружува 20 години работа на македонска сцена и од него се очекуваат уште неколку нови проекти во текот на годината, а можно е и крајот на годината да направи еден концерт во Скопје.
фото:You tube printscreen/ Jordan Mitev
