В икендов МРТ ја промовираше песната ,,Маратон” со која Македонија ќе учествува на Детската Евровизија во Мадрид, Шпанија, на 16-ти ноември, годинава.
Песната „Маратон“ ќе ја изведат Ана Ванчевска (14) и Алексеј Ивановски (13) од Битола, кои беа избрани на аудиција организирана од јавниот сервис. Автор на музиката за ,,Маратон” е познатиот македонски композитор и хитмејкер Лазар Цветковски, а текстот е на неговата сестра и постојана соработничка, Магдалена Цветковска.
За истата е изработен видео запис во комплетна продукција на МРТ, кој се снимал на повеќе локации.
Инаку, ова ќе биде 22-ро издание на Детската Евровизија, а Македонија учествува од самиот почеток на ова евровизиско јуниор натпреварување.
Најдобар пласман на нашата земја е освоено петто место, а најлош – последно.
Како звучат и изгледаат нашите евровизски јуниор претставници во нивниот „Маратон“, проследете во продолжение:
