Актерката Весна Петрушевска е прогласена за лауреат на наградата „Васил Иљоски“ на 28. издание на фестивалот „Денови на комедија“. Оваа награда се доделува како високо признание за значаен животен и уметнички придонес во театарот.
Во 2025 година, Петрушевска ја доби наградата за својот специфичен придонес, особено во областа на комедијата.
Во нејзината изјава, таа истакна дека наградата ѝ е многу драга, особено затоа што често уметниците се признати по завршување на нивната кариера, а ова признание ѝ носи радост бидејќи е доделено додека е активно присутна на сцена.
„Ви благодарам за наградата “Васил Иљоски” за лауреат на 28то издание н Денови на комедијата. Бев клинка на 13,14 години кога почнав вистински да го сонувам мојот сон. За да бидеш свој подразбира многу борба,храброст,работа,такент,љубопитност и доследност. Не би менувала ништо кога ќе трепнам наназад. Сум насмеала илјадници луѓе, сум делела љубов на сцена, ден денес сум своја и борбена. По пат сретнав и лоши луѓе, безочни, но и прекрасни. Имам 55 но во душата сум дете. Дебес бев многу среќна, беа со мене мама и Мина…ми недостасуваше тато за кој сум сигурна дека ќе ја имаше онаа негова шеретска насмевка. Наградата е за мама @s.petrusevska50 Благодарам Саше и @maksimdimitrievski кои со години ја поддржувате мојата работа“. Напиша актерката на социјалната мрежа Инстаграм.
View this post on Instagram
Со ова, Весна Петрушевска стави уште еден значаен печат на богатата кариера, исполнета со талент и посветеност кон уметноста, во знак на почит од страна на своите колеги и публиката.
