Легендарниот рок пејач и фронтмен на Black Sabbath, Ози Озборн, почина на 22 јули на 76-годишна возраст, опкружен со своето семејство. Сега причината за смртта е официјално откриена.
Според официјалниот извештај, причина за смртта била акутен миокарден инфаркт и срцев застој, пишува Дејли Меил.
Фактори што придонесуваат за смртта се исхемична срцева болест и Паркинсонова болест со автономна дисфункција, објави британскиот весник „Сан“.
Сопругата на Озборн, Шерон, претходно изјави дека нејзиниот сопруг ја изгубил способноста за одење поради прогресијата на Паркинсоновата болест.
Озборн, признат како „рок легенда, текстописец и изведувач“, беше фронтменот на бендот Black Sabbath, кој продаде повеќе од 75 милиони албуми низ целиот свет. Тој почина на 22 јули на 76-годишна возраст.
Неговите обожаватели му оддадоа почит со поставување импровизиран споменик на клупата на „Блек Сабат“ во Бирмингем.
Ози, кој во 2019 година откри дека боледува од Паркинсонова болест, беше погребан минатата недела на имотот на неговото семејство, за време на приватна церемонија на која присуствуваа членови на семејството и бројни претставници на рок сцената, вклучувајќи ги Мерилин Менсон и гитаристот на Ози, Зак Вајлд.
Озборн беше погребан на 31 јули на семејниот имот, на приватна церемонија на која присуствуваа семејството и пријателите. Денот претходно, Бирмингем беше домаќин на комеморативна поворка, на која присуствуваа илјадници обожаватели по Брод Стрит.
Озборн се збогува со публиката со последен настап со симболично име „Back to the Beginning“.
