Помладиот син на Емина Јаховиќ одбива да зборува српски, а пејачката сè уште се чувствува како странец во Турција, каде што остана да живее по разводот од Мустафа Сандал. Емина Јаховиќ се разведе од турскиот милионер Мустафа Сандал, со кого беше во брак десет години, пред седум години. Таа остана да живее во Истанбул заради своите деца, иако не ја смета Турција за свој дом, дури ни по долго време. Пејачката би сакала да се врати да живее во Србија, но нејзините синови не го сакаат тоа, а еден од нив дури и не зборува српски.
– Се чувствувам подобро во Србија. Таму се чувствувам како странец, иако моите деца се Турци. Јаман зборува српски, а Јавуз од некоја причина одбива, малку е љубоморен, па не сака да зборува – рекла пејачката, која се нашла во незавидна ситуација по разводот, а потоа раскажала кој бил нејзиниот најголем проблем:
– Мустафа беше лош полицаец, а јас бев добар полицаец. Кога останав сама со нив, бев беспомошна. Немав никој да ми биде авторитет. Почнав да се однесувам построго, тие не разбираа што се случи со мајка им. Емина сега тврди дека, и покрај лошото искуство што го имала, е подготвена за нова љубов, па дури и за нов брак.
фото: printscreen/instgaram
