Љубовниот живот на Дара Бубамара отсекогаш бил интересен за јавноста, а дополнително внимание пејачката привлече со последната позната љубовна врска со две децении помлад маж. Иако двегодишната врска со извесен Тони заврши неславно, извор близок до Бубамара тврди дека таа повторно е среќна во љубовта. Како што истакнува, пејачката наводно влегла во врска со атрактивен маж, а љубовта кон него ја покажала на еден новосадски сплав.
„Станува збор за момче кое ѝ се додворувало неколку месеци пред да ја запознае, и направил се за да го привлече нејзиното внимание. Тој е млад, помлад од неа, привлечен, висок и ќелав, па таа набрзо му даде шанса подобро да ја запознае. Иако очекувавме тоа да го скријат од јавноста, тие неодамна се појавија на сплав и разменуваа нежности пред сите“ – изјавил изворот за „Ало“ и додал дека пејачката делувала многу заљубено.
„Коментиравме дека оддамна не била толку заљубена, но и дека биле многу подобар пар отколку со Тони. Со часови се бакнувале, милувале и се шегувале, а таа не престанала да се смее“ – рекол изворот и додал дека на Дара и е особено возбудливо што нејзиниот нов емотивен партнер е спортист.
„Освен што е успешен во приватниот бизнис, новото момче на Дара со години е спортист, поточно боксер. Тоа многу и се допаѓа. Неговиот спортски дух, фигура, решителност и изглед. Иако е помлад, разликата во годините не се забележува како што беше случајот со нејзиниот избор претходно. Изгледа сериозно, зрело, па Дара опасно се заљубила.
Освен тоа, секој слободен момент го користат да бидат заедно и да се однесуваат како тинејџери. Тоа го поткрепува тој тинејџерски бакнеж на средината на сплавот кога се однесуваа како да не постои никој друг. Ако продолжат вака, сигурно ќе започнат заеднички живот, а со тоа и ќе ја подигнат врската на повисоко ниво“ – заклучува изворот.
Фото: Инстаграм/darabubamara_official
