Дали постојано копнеете по нешто слатко? Не можете да престанете да фантазирате за крофни? Вашето тело ви кажува дека можеби ви недостасуваат некои од важните, есенцијални хранливи материи.
Желбата за шеќер е различна од едноставната потреба за десерт. Изразената желба за шеќер се карактеризира со зачестеност и ненаситност. Според истражувањата, шеќерот предизвикува зависност како и некои лекови, со слични ефекти врз мозокот.
Ако желбата за шеќер ги окупира вашите мисли во текот на денот и не се откажувате дури и откако сте се препуштиле на слатко задоволство, можеби е мудро да ја пронајдете вистинската причина. Истото важи и ако обидите за намалување или запирање на оваа потреба се покажат како тешки или речиси невозможни. Ова може да бидат некои од причините.
Недостаток на магнезиум
Прво треба да го идентификувате видот на слатка храна што ја посакувате. Ако се работи за чоколадо, тоа може да значи дека на вашето тело му недостасува магнезиум. Тоа е многу честа појава денес, објаснува холистичката нутриционистка Елиса Гудман.
И додека млечното чоколадо е полно со шеќер, вие сте на вистинскиот пат ако успеете да ја задоволите вашата желба со темно чоколадо. Богато е со антиоксиданси кои можат да го подобрат вашето здравје и да го намалат ризикот од срцеви заболувања. Затоа, изберете го она кое има најмалку 70 проценти содржина на какао.
Недостаток на витамин Б
Витамините Б1, Б7 и Б12 се клучни за метаболизмот на гликозата. Ако имате ниски нивоа на витамини Б, вашето тело може да има проблеми со разградување на гликозата за да произведе енергија, што може да предизвика потреба за повеќе шеќер.
Ненадеен пад на шеќерот
Кога нивото на шеќер во крвта се намалува, вашето тело можеби се обидува да ве натера да му дадете повеќе гориво за да го одржите нивото на шеќер во крвта стабилно. За да го одржите балансот на шеќерот во крвта, се препорачува да јадете здрава количина на протеини и да додадете повеќе храна богата со растителни влакна, како што се грав и мешунки, заедно со сложени јаглехидрати, кои ќе ви го дадат потребното гориво без скокови во шеќерот во крвта.
– Ако наеднаш копнеете за слатки, тоа е најверојатно знак дека имате флуктуации на шеќерот во крвта – вели Гудман.
Недостаток на хром
Хромот е есенцијален минерал кој го регулира метаболизмот на инсулин и гликоза, што влијае на нивото на шеќер во крвта. Недостатокот може да доведе до отпорност на инсулин и да ја зголеми желбата за шеќер. Некои вообичаени симптоми на недостаток на хром вклучуваат замор, раздразливост и депресија.
Недостаток на цинк
Цинкот е неопходен за функционирање на имунолошкиот систем и правилно варење, но е одговорен и за регулирање на нивото на инсулин и метаболизмот на јаглени хидрати. Недостатокот на цинк може да доведе до намалување на перцепцијата за вкус, што доведува до поголем внес на шеќер и сол за да се компензира недостатокот на вкус. Недостатокот на цинк може да доведе до ниско ниво на енергија, намален имунитет и желба за шеќер.
фото:Freepik
извор:точка
