Еден од нашите најпознати млади македонски актери, Васил Зафирчев, вчеравечер (26. Февруари) на својот Инстаграм профил сподели емотивна објава преку која за јавноста обзнани дека го загубил татка си.
Како и сите затечени од најстрашната работа за која никој никогаш не е подготвен, Васил пишува за она што сега го чувствува – најголемата болка од загубата и се’ она заедничко што останало „празно“ поради раздвоеноста што ја имале поради патувањата во професиите.
-Во чест на татко ми, Трајче Зафирчев, кој денес, после кратко и тешко боледување, го испративме на неговото последно патување.
Денес, боли само времето непоминато со него, пропуштените мигови, неслучените прегратки и зборовите кои останале неизговорени во честите животни отсуства, заради мојата и неговата професија поврзана со патувањето.
Сето останато е вечно сегашно време исполнето со бескрајна љубов и најубави спомени, кои засекогаш ќе живеат во моето сеќавање на него, но и во неговото наследство во мене.
До еден ден кога повторно ќе се сретнеме во вечната светлина!
Среќен пат до дома татко мој!- се збогуваше синот.
Редакцијата на Вистина изразува искрено сочувство за загубата!
фото:Instagram printscreen/vasilzafirchev
