Едноставен тест со прст може да ви покаже во каква форма е вашиот мозок. Можете да го правите тоа и како вежба за вашиот мозок и мускулите на прстите.
Неспорно е дека мозочната активност опаѓа со возраста, па затоа е многу важно постојано да го тренирате мозокот и да не дозволите да почне да се влошува премногу брзо, пишува N1 Сараево.
Постојат неколку практични тестови кои можат да покажат во каква форма е нашиот мозок, а еден од нив на Инстаграм го објави терапевтот и масер Џејмс Мур од Кентаки, САД.
Тестот е едноставен и можете да го правите секаде и во секое време. Прво, вкрстете ги показалецот и средниот прст, допрете го врвот на прстенот со палецот, а потоа мрдајте со слободниот мал прст. Ако можете да направите сè одеднаш, вашиот мозок работи беспрекорно, вели Мур.
„Секој прст има повеќе од 3.000 механорецептори, кои се како еден вид „автопат“ до вашиот мозок – поточно до делот од церебралниот кортекс кој ги контролира моторните движења и сетилата“, објаснува Мур, кој додава дека тестот е исто така добра вежба за стимулација.на мозокот.
Не е важно на која рака го правите тестот, но најдобро е ако можете да го направите на двете раце, по можност во исто време.
Или оваа вежба може да стане ваша секојдневна „мини-вежба за мозокот“ (и, се разбира, за мускулите на прстите), која можете да ја надградите со друга верзија – исто така ги прекрстувате прстенот и малиот прст, а потоа го допирате палецот со овие вкрстени прсти, или прекрстете го средниот прст и прстенот, ги прекрстувате другите прсти на секоја рака… и така натаму.
фото: FreePick
Извор: попара
