Претставата „Собирачи на пердуви, во режија на Дејан Пројковски, a во продукција на Српско народно позориште во Нови Сад, ја освои првата награда на фестивалот „Театар во тврдината“ во Смедерево. На традиционалниот фестивал, кој се одржува 11 години, претставите ги оценува публиката.
Премиерата на претставата беше во ноември минатата година во Нови Сад.
„Собирачи на пердуви“ е работена по текст на Александар Петровиќ и по него е снимен истоимениот филм, добитник на Гран прито на Канскиот фестивал во 1967. Драматургијата и адаптацијата се на Сашо Димовски, сценограф е Валентин Светозарев, а композитор е Оливер Јосифовски, кој музиката ја свири во живо со оркестар на сцената. Во претставата играат 30 актери од СНП.
