Со претставата „Хинкеман“ во МКЦ независниот театар „Златен елец“ слави пет години

Денес (22 февруари, сабота) во Младинскиот културен центар (МКЦ) во 20 часот, во чест на петгодишниот јубилеј, независниот театар „Златен Елец“ ќе ја изведе претставата „Хинкеман“ во режија и адаптација на Тамара Стојаноска.

„Хинкеман“ е работена е според анти-воената и експресионистичка драма (Der deutsche Hinkemann, 1923) на Ернст Толер чија најголема инспирација бил актуелниот историски контекст и времето во кое создава. Текстот се обидува да ја пренесе духовната ситуација на народот и истовремено бара правда и подобра иднина со цел да се исправи кривата сликата на тогашното општество.

Играат: Бобан Алексоски, Дритон Вејсели, Талија Настова/Надица Петрова, Ане Блажовски, Леонида Гулевска и Бранко Михајлоски, музиката е на Лука Тошев. Претставата е копродукција со Млад отворен театар и лани го отвори фестивалот.

Независниот театар „Златен Елец“ Скопје, постои од 2020, основачи се актерите Бобан Алексоски и Надица Петрова.