Скопските бендови „Последен удар“ и „ЈУ“ ќе настапат на годинешниов „Егзит“ во Нови Сад

Скопските бендови „Последен удар“ и „Ју“ (YÖU) досега се потврдени како македонски учесници на годинешното издание на фестивалот „Егзит“ во Нови Сад, за кое организаторите кажаа дека би можело да биде последно поради актуелните општествено-политички случувања во Србија.

„Последен удар“ е панк петорка која за кратко време се здоби со голема популарност на домашната андерграунд сцена. Додека „Ју“ пак,  е емо/скримо бенд кој лани го издаде своето второ студиско издание.

Еден од најголемите музички фестивали во Европа ќе се одржува од 10 до 13 јули, а меѓу учесниците се најавени „Секс пистолс“, „Продиџи“, Боб Гелдоф и „Бумтаун ретс“, Лорин и бројни ѕвезди на електронската сцена.

ФОТО: Фејсбук