Ладна супа од краставици е освежителна и многу вкусна. Супата од краставици е здрава, се подготвува лесно и брзо, а оживува и освежува.
Состојки:
шест краставици со средна големина
350 мл грчки јогурт
60 мл маслиново масло
3 супени лажици сок од лимон
2 лажици ситно сецкан свеж копар (или сушен)
1 чешне лук
¾ лажичка сол
половина лажичка мед
бибер по желба
по желба сецкано свежо нане или босилек
Подготовка:
Краставиците исецкајте ги на помали парчиња, а чешнето лук на ситни.
Во блендер измешајте ги краставиците, јогуртот, маслиновото масло, сокот од лимон, копарот, лукот, солта, медот и малку мелен бибер додека смесата не се изедначи.
Истурете во тенџере или сад со капак и оставете во фрижидер 4 часа.
Украсете со парчиња краставица или листови од нане или босилек.
фото:FreePik
