Откако Марија Луиса Тодоровска реши настапите да ги стави на привремена пауза, „љубопитните душегрижници“ веднаш почнаа „да чешаат крајници“ не престанувајќи да зборуваат и коваат разни теории на заговор како можен одговор зошто пејачката ја нема на тезга?
За да не се мачи на сите да им одговара поединечно, Mарија Луиса реши тоа да им одговори групно, со еден споделен пост на своите Инстаграм приказни за да им ги разбие претпоставките и нагаѓањата дека: Ни е трудна, ни е болна, не се мажи, а здравјето се’ уште добро ја служи!
За време на нејзината пејачка апстиненција, мораше да си побара некоја друга занимација, а во тоа и помогна една женска Интернет апликација направена за забава, која ве прашува: „Ниедна жена не сака маж кој…“, а вие мислата треба да ја довршите со ваша констатација.
Откако јавно ја сподели во свое име, тргнаа да „врнат“ одговорите, каков тоа маж не сакаат жените. А одговори – разни… И вакви и такви, секакви.
А и нејзините констатации и реакции исто така…
Како и нејзините коментари за секоја пристигната „чудесија“… За секој пристигнат одговор и посебна фацијалната експресија.
Арно ама кога дојдоа малку поексплицитни констатации од следбениците, Марија Луиса иако со некои дискретно се согласи, сепак не можеше поинаку, освен онака, да ги крене рамениците, па да се фати и самата за работа…
Тоше си е нејзина лична играчка, ама дека баш некогаш се занимавала со неговата големина… Или можеби – ДА, ама заборавила, па тргна да се изгаси за да се потсети…
Но, откако во меѓувреме стигнаа конкретните димензии, кои според некои, се минимум неопходни, зашто мажите под ова – се непожелни… Марија Луиса Тодоровска реши уште еднаш и самата практично да ја провери вистинската мерка, па тргна во акција… Резултатот – машка 19-ка за шокантна реакција! Шокирана е Марија, шокирана е Бела!
Фото: Инстаграм/luisa.todorovska
