Една од најпознатите модели на сите времиња, Адријана Лима, вчера полни 44 години. Бразилската убавица остави неизбришлив белег во светот на модата, особено како заштитно лице на брендот „Викторијас Сикрет“, со кој е неразделно поврзана со години.
Лима влезе во светот на модата на 15-годишна возраст, кога го освои престижниот натпревар „Форд Супермодел Бразил“. Оттогаш, нејзината кариера тргна напред, и таа наскоро стана една од најбараните и најплатените модели во светот.
Според листата на списанието „Форбс“ за 2012 година, таа заработила 7,3 милиони долари таа година, што ја сместило на врвот на модната индустрија. Таа е позната и по својата строга дисциплина пред модните ревии – ја шокираше јавноста кога откри дека девет дена пред ревија не јадела цврста храна, туку пиела само протеински шејкови и вежбала двапати на ден.
Лима му го кажа судбоносното „да“ на српскиот кошаркар Марко Јариќ на Денот на вљубените во 2009 година. Таа доби и српско државјанство на свое барање. Двојката имаше две ќерки, Валентина и Сиена, но се разведоа во 2016 година.
Таа го доби своето трето дете, син по име Сијан, во 2022 година со нејзиниот партнер, филмскиот продуцент Андре Лемарс.
Лима е родена на 12 јуни 1981 година.
foto:printscreen/instagram
