„Колдплеј“ се подготвува за пензионирање. Ова го откри фронтменот на бендот Крис Мартин, кој рече дека 12-тиот албум на бендот ќе биде и последен.
„Ќе снимиме 12 албуми и тоа е тоа“, рече тој во интервју за Apple Music за најавата за новиот албум.
Нивниот десетти албум, Moon Music, излезе денеска.
На прашањето зошто бендот си наметнува лимит, Мартин рече:
View this post on Instagram
„Постојат само седум книги за Хари Потер. Има само 12 ипол албуми на Битлси, исто толку колку и Боб Марли, сите тие се наши идоли. Исто така, таквото ограничување наметнува и квалитет. Песната мора да биде навистина добра за да се најде на тие албуми бидејќи има ограничен број места“.
„Не сакам да се мачиме и да работиме напорно на 60 години“, вели тој.
Сепак, Мартин најави и дека нема да престане да се занимава со музика.
View this post on Instagram
-Секогаш ќе го правам тоа на некој начин, но нешто е поинаку со Колдплеј“, заклучи тој.
„Колдплеј“ е англиски алтернативен рок бенд, основан во 1996 година во Лондон. Групата ја сочинуваат пејачот, клавијатурист и гитарист Крис Мартин, гитаристот Џони Бакланд, басистот Гај Бериман и тапанарот Вил Чемпион.
Новиот албум Moon Music содржи 10 песни.
фото:Instagram printscreen/coldplay
