Односите без граници можат да предизвикаат недоразбирања и фрустрации, иако многу луѓе мислат дека границите се непотребни, па дури и навредливи во романтичните врски, вели советникот за врски Ренди Скилтон.
„Некои веруваат дека нивниот партнер треба да ги предвиди нивните желби и потреби, додека други стравуваат дека границите ќе ја задушат спонтаноста и романтиката. Сепак, поставувањето граници е клучно за спречување на незадоволство и создавање простор за вистинска љубов“, објасни тој за “YourTango”.
Значи, за да биде успешна врската, пресудно е да имате неколку евентуално непријатни разговори. Советникот издвои три важни разговори кои придонесуваат за здрава и среќна врска.
Разговарајте за поставување на граници
Иако можеби звучи чудно, зборувањето за тоа како ќе поставиме граници во врската е исклучително важно.
„Овој разговор помага да се воспостави одговорност и да се создадат јасни очекувања. Кога се поставуваат граници, недоразбирањата и конфликтите се намалуваат бидејќи станува јасно кој е одговорен за што. Границите исто така ви дозволуваат отворено да ги комуницирате вашите емоционални граници, а со тоа да изградите поздрав и помирен однос“, истакнува Скилтон.
Разговор за изразување интимност
Секој човек има различни потреби и стилови на изразување на интимност. Советникот нагласува: „Можеби вие и вашиот партнер имате различни преференци кога станува збор за времето или зачестеноста на интимните моменти. Овој разговор ви овозможува јасно да ги дефинирате потребите и очекувањата, а со тоа да избегнете ситуации во кои едниот партнер мора да лажира задоволство. Нарушување на интимните границите може да доведат до нездрави, па дури и навредливи односи“.
Разговарајте за финансиите
Финансиите често се чувствителна тема во врската и можат да предизвикаат несогласувања. Затоа, за да избегнете непријатност, важно е редовно да разговарате за финансиските лимити, како на пример кои суми треба да се одлучат заедно пред да пазарите. Важно е да се договорите за трошењето, штедењето и заедничките финансиски цели.
„Зборувањето за финансии не е знак за неуспешна врска, туку начин да се избегнат потенцијални проблеми во иднина. Знаците на здрава врска вклучуваат граници кои можат да се променат со текот на времето. Како што вашата врска напредува и подобро се запознавате, видовите граници може да се приспособат.
фото:Freepik
извор:tocka.kom.mk
