Џибри Бел, познат американски инфлуенсер го упати своето сочувство до жртвите од големиот пожар што се случи во Кочани на 16 -ти Март.
Трагедијата што се случи во Македонија, каде 59 лица ги загубија животите во пожар во дискотека, го потресе целиот свет. Многу луѓе, меѓу кои и многу познати личности изразија сочувство за трагичната загуба на животи.
Сочувство испрати и Џибри Бел, познат американски инфлуенсер кој долго време живеел во Србија и кој во своите видеа постојано зборува за тоа како ги сака обичаите и луѓето на Балканот.
– Македонијо, те сакам! Срцето ми се скрши откако слушнав за пожарот на концертот. Тоа е толку трагичен настан. Групата „ДНК“ ми значи многу. Андреј, Панчо, навистина ми го променивте животот… – вели тој.
Инаку, во страшниот пожар што избувна ноќта меѓу саботата и неделата, трагично загинаа осум членови на бендот ДНК.
Џибри Бел очигледно се познавал лично со некои од членовите, но бил длабоко погоден од трагедијата на сите загинати и на целиот македонски народ.
Watch on TikTok
фото: printscreen/tiktok
