Оваа торта е идеална за сите љубители на едноставни, но вкусни десерти, кои сакаат да уживаат во нешто што ќе ги потсети на домашната атмосфера и љубовта што мајките и бабите ја вложуваат при подготовката на нивните омилени десерти.
Состојките како свежи јаболка и ореви го прават не само вкусен, туку и поздрав избор во споредба со класичните колачи. Со додавање на темно чоколадо на крајот, ќе имате совршен десерт за секоја пригода.
Состојки:
4 јајца
2 чаши шеќер
1 ванилин шеќер
2 чаши гриз
2 чаши ореви
1 чаша масло
1 чаша млеко
2 лажици какао
Кора од еден лимон
4 рендани јаболка
2 лажици цимет
200 гр темно чоколадо и 2 лажици масло
Подготовка:
Најпрво измешајте ги јајцата, шеќерот и ванилиниот шеќер додека не добиете пенеста смеса. Во друг сад измешајте ги сите суви состојки: гриз, ореви, цимет, какао и кора од лимон.
Додадете ги сувите состојки во смесата со јајцата, па прелијте ги со маслото и млекото. Сè добро измешајте.
На крај додадете ги ренданите јаболка и повторно сè убаво измешајте. Смесата истурете ја во претходно подмачкана тава за печење. Печете на 200°C околу 40 минути или додека чепкалка за заби не излезе сува.
За подготовка на преливот растопете ја чоколадата со две лажици масло и прелијте ја печената торта. По желба, тортата можете да ја декорирате со дополнителни јаткасти плодови, шеќер во прав, па дури и шлаг.
Оваа торта е одлична за сите прилики. Благодарение на комбинацијата од јаболка, ореви и цимет, ќе добиете богат и сочен десерт кој ќе ги задоволи сите љубители на слатки.
фото:Freepik
