Јоце Панов е еден од малкумината македонски пејачки кои повремено гостуваат на српските медиуми. Овој пат тој ја отвори својата душа во емисијата „Без филтер со Сара Миа“ и раскажа некои од личните работи што имале одлучувачко влијание врз него како личност.
Во разговор со водителката Сара Миа Јокиќ, Јоце истакна дека одлучувачкиот момент бил кога го загубил татко му.
„ Имам убави, но и лоши и полоши моменти, на пример кога почина татко ми. Имав 11 години, бевме три деца, јас бев најстариот, потоа помладиот брат и сестрата која имаше едвај 9 месеци. Можеби тој момент е пресвртница за мене“ – ја отвори душата Јоце.
Пејачот призна и дека во неговата кариера имало подеми и падови, што е карактеристика на многу пејачи, но малкумина се осмелуваат да се соочат со тоа.
„Станувате ултра популарен за неколку дена, луѓето ве следат. Не е важно, ти се глупираш. Не е тоа квалитетно, но не е важно. Така е додека си им интересен, а потоа по еден месец доаѓа некој друг, па трет, четврт… И потоа ти одиш во заборав. Го имам искусено ова многу пати во мојата кариера. Многу пејачи кои беа популарни во еден момент сега прават нешто сосема друго. Сите ги заборавивле“ – рече Јоце во емисијата „Без филтер со Сара Миа“.
Емисијата „Без филтер со Сара Миа“, на програмата оди во сабота во 18 часот на Гранд телевизија.
