Џеј Ло предизвика реакции кај корисниците на социјалните мрежи откако, според нивно мислење, била некултурна кон снимателот Кол Волисер на неодамнешното доделување на Златните глобуси во Лос Анџелес.
Тој бил задолжен за камера, а кога се појавила Џеј Ло кратко се поздравиле, а потоа ѝ објаснил како треба да позира.
@colewalliser The Queen JLO!! She walked the carpet so close to it closing (it might have technically been closed at that point), so I was happy she was able to quickly stop. No messing around — just wham, bam, thank you, GLAM! #jenniferlopez #colewalliser #glambotbts #LiveFromE #goldenglobes @E! News @E! Entertainment ♬ original sound – Cole Walliser
„Мило ми е што те гледам повторно. Изгледаш прекрасно. Застани на ѕвездата, да, тука“, ѝ рекол тој. Потоа ја прашал дали има идеја за некој потег или само ќе погледне во камерата и ќе позира или ќе се заврти.
Џенифер Лопез не му одговорила на ова прашање, туку се свртела и позирала. Потоа тој ѝ објаснил како ќе ја снима камерата и рекол: „3, 2, 1, акција“.
Пејачката позирала, а тој ѝ упатил комплименти: „Доминираше како и обично. Благодарам многу. Благодарам, луѓе“. Пејачката само мавнала и продолжила да оди понатаму без да каже ниту еден збор, а многумина сметаат дека го игнорирала и ѝ упатија критики.
„Воопшто не му се обрати“, „Дали беше безобразна или само беше своја?“, „Нема насмевка? Нема поздрав? Ништо?“, „Верувам во секој трач што сум го слушнала за неа“, се некои од коментарите под видеото објавено на ТикТок.
фото:Instagram printscreen/jlo and jlobeauty
